Krisha.kz және Kolesa.kz сайттарындағы хабарландыруларды тексеру қалай ұйымдастырылған

Krisha.kz және Kolesa.kz — жылжымайтын мүлік пен автомобильдерді іздеу және сатуға арналған ең ірі платформалар. Бірақ пайдаланушылар көп жерде алаяқтар да пайда болады. Олар бейімделіп, осал тұстарын іздеп, жаңа схемаларды пайдаланып көреді. Платформаларды қауіпсіз ету үшін 2024 жылы Kolesa Group алаяқтық схемалармен күреске 500 миллион теңге қаржы салған еді. Көп деңгейлі қауіпсіздік жүйесінің бір сатысы – хабарландыруларды модерациялау.

Krisha.kz және Kolesa.kz сайттарында модерация қалай жұмыс істейді

Хабарландырулар автоматты түрде тексеріледі және модерация толығымен алгоритмдерге берілген деген пікір кең таралған. Бұл олай емес. Тәулік бойы жұмыс істейтін автомодерациядан бөлек, Krisha.kz және Kolesa.kz сайттарында хабарландыруларды ауысыммен тексеретін 32 модератордан тұратын команда жұмыс істейді.

"Түнге жақын алаяқтар белсенді бола бастайды, олар өздерін байқамай қалады деп үміттенеді. Бірақ нақты уақытта жұмыс істейтін модераторлардан бөлек, хабарландыруларды тексеруді жалғастыратын және тіпті түнде де бұзушылықтарды анықтауға көмектесетін автомодерация бар", – деп Krisha.kz модерация бөлімінде айтып берді. 

Неге шағымдар маңызды

Егер сіз күмәнді хабарландыруды байқасаңыз, тек "Шағымдану" батырмасын басып қана қоймай, алдау схемасын егжей-тегжейлі сипаттағаныңыз маңызды. Мысалы, егер сатушы алдын ала төлем талап етсе, басқа біреудің фотосын қолданса немесе негізгі сұрақтарға жауап бере алмаса, бұл мәліметтер модераторларға тезірек шара қабылдауға көмектеседі. Ақпарат неғұрлым нақты болса, алаяқтарды жедел анықтап, бұғаттау мүмкіндігі соғұрлым жоғары болады. 

"Біздің миссиямыз – пайдаланушылардың қолданбаларды қауіпсіз пайдалануын қамтамасыз ету үшін хабарландыруларды тез әрі сапалы тексеру. Пәтер иелері мен көлік иелері үшін хабарландыру беру тегін болғандықтан, қара ниетті пайдаланушылар алаңға еніп кетуі мүмкін. Бірақ қазірдің өзінде олардың жартысы модерация кезеңінде бұғатталады – олар сайтқа жетпейді және біреуді алдау мүмкіндігіне ие болмайды. Біз бұл көрсеткішті өсіру үшін жұмыс істеп жатырмыз", – деді Krisha.kz. 

Модерация – тек бақылау ғана емес, сонымен қатар пайдаланушыларға көмек көрсету

Әр модератор күніне 5000-ға жуық хабарландыруды тексереді. Егер хабарландыру орналастыру ережелеріне сәйкес келмесе және 2-3 рет модерациядан өтпесе, модератор хабарландыру иесімен байланысып, нені түзету керектігін түсіндіреді.

Модераторлар ұсыныстардың өзектілігін қадағалайды. Егер пәтер сатылып кетсе немесе автомобиль жаңа иесін тапса, мұндай хабарландырулар жойылады.

Модератордың хабарландыруды жоюы немесе қабылдамауы, бұл жай ғана техникалық әрекет емес. Бұл адал мәміле іздеп жүрген адамдарды қорғау.

"Әр іздеудің артында шынайы оқиға бар екенін білеміз. Кейбірі өзінің алғашқы автосын таңдап жатыр, тағы біреулер отбасына баспана іздеп жатыр, енді біреулер жай ғана өз көлігін немесе пәтерін тез әрі қауіпсіз сатқысы келеді. Біздің міндетіміз – пайдаланушының шынайы хабарландыруларды көріп, платформаға сенім артуын қамтамасыз ету", – деп модерация бөлімі өздері ұстанатын ережелер туралы айтады.  

Пайдаланушыларды қорғайтын технологиялар

Krisha.kz және Kolesa.kz – онлайн-классифайдтар арасында жасанды интеллектті (ЖИ) қолданудың пионерлері.

"2017 жылдан бері Kolesa Group платформаларды қауіпсіз әрі ыңғайлы ететін технологияларға инвестиция жасай отырып, ЖИ пайдалану арқылы өз шешімдерін дамытып келеді. Жылдар бойы жиналған деректер негізінде біз жұмыстың едәуір бөлігін өзіне алатын автоматтандырылған жүйелерді үйреттік", – дейді ML&Operations бөлімінде. 

Бүгінгі таңда ЖИ күн сайын мыңдаған хабарландыруды өңдеп, олар пайдаланушылар үшін проблемаға айналмай тұрғанда бұзушылықтарды анықтайды. Автомодерация тәулік бойы жұмыс істеп, модераторлардың ресурстарын босатып, оларға күрделі жағдайларға көбірек уақыт бөлуге мүмкіндік береді.

Қазіргі уақытта пайдаланушы бірнеше кезеңде хабарландыруды тексеру кезінде автомодерацияға тап болуы мүмкін. Фото автомодерациясы суреттерді талдап, оларды адамдардың, сутаңбалардың, скриншоттардың және тыйым салынған мәтіндердің бар-жоғына тексереді. Мәтін автомодерациясы хабарландырудың мазмұнын талдап, күмәнді тұжырымдарды және ықтимал бұзушылықтарды анықтайды. Суреттерді өңдеу жүйесі фотосуреттердегі автомобиль нөмірлерін автоматты түрде бояп, сатушылардың жеке деректерін қорғайды.

Бірақ ең озық технологиялар да қолмен тексеруді алмастырмайды. Жасанды интеллект заңдылықтарды анықтайды, бірақ күрделі жағдайларды әлі де модераторлар талдайды.

Пайдаланушылар өздерін қалай қорғай алады?

Krisha.kz және Kolesa.kz сенімді сатушыны таңдауға көмектесетін қосымша тексеру құралдарын енгізді:

• "Пәтер тексерілді" – жылжымайтын мүлік құжаттарының тексеруден өткенін растайтын белгі.
• Krisha.kz сайтындағы "Тексерілген маман" – өз құжаттарын көрсеткен риэлторлар алатын статус.
• Kolesa.kz сайтындағы "Тексерілген дилер" – сатушының құжаттары тексерілгенін білдіреді.

Бұл сервистер ЖИ және модераторлардың жұмысы арқылы пайдаланушылар үшін қауіп-қатерді азайтып, қорғаныш жүйесін құрады.

Егер алаяқты байқасаңыз, не істеу керек

• Күдікті хабарландыру туралы "Шағымдану" батырмасы арқылы хабарлаңыз.
• Алаяқтық схемасын егжей-тегжейлі сипаттаңыз – ақпарат неғұрлым көп болса, модераторлар соғұрлым тезірек шара қолданады.

Әрбір өтініш платформаны қауіпсіз етуге көмектеседі.