Автокөлік сатып алғанда алаяқтарды қалай тануға болады: Kolesa.kz кеңестері

Kolesa.kz командасы бүгінгі таңда ең кең таралған алдау схемаларын және қауіпті тұзақтардан қалай құтылуға болатынын айтып берді.

Сіз мінсіз хабарландыруды табасыз: тартымды баға, фотода әдемі авто, сатушы тез әрі сыпайы жауап береді. Содан кейін — жанр классикасы: "Қызығып жатқандар өте көп, егер брондағыңыз келсе — алдын ала төлем жасаңыз". Таныс жағдай ма?

Алаяқтар ірі хабарландыру платформаларын бастапқы нүкте ретінде жиі пайдаланады: диалог бастайды, сенім тудырып, пайдаланушыны басқа мессенджерлерге алып кетуге тырысады.

Сондықтан Kolesa.kz командасы қауіпсіздік жағынан үнемі жұмыс істеп, қорғауды күшейтіп келеді: біз сүзгілерді жаңартамыз, машиналық оқыту модельдерін әзірлейміз, модераторлар штатын кеңейтеміз және стандартты емес мінез-құлық сценарийлерін қадағалаймыз.

Осы материалда Kolesa.kz командасы ең кең таралған алаяқтық схемаларын талдап, мәміленің әр кезеңінде өзіңізді қалай қорғауға болатыны туралы нақты ұсыныстармен бөлісті.

1. Жалған сервистер арқылы алдын ала төлем

Алаяқтар Kolesa.kz қызмет көрсету бөлімімен хат алмасуды қолдан жасап, ойдан шығарылған "қауіпсіз" сервис арқылы ақша аударуды ұсынады. Алаяқ жалған сайтқа сілтеме жібереді, онда сізден банк картасының деректерін, соның ішінде CVV-кодты сұрайды. Осыдан кейін қаскүнемдер есепшотыңызға қол жеткізеді.

Маңызды! Kolesa.kz сайтында алдын ала төлем аудару функциясы жоқ. Сатушыға Kolesa.kz қолданбасындағы мессенджер арқылы жазыңыз — сонда күдік туындаған жағдайда, біздің командамыз жедел араласа алады.

2. Негізсіз төмен баға

Алаяқтар күдік тудыратын төмен бағамен хабарландыру орналастырып, тиімді мәміле иллюзиясын жасайды. Жылдам байланыс орнатқаннан кейін алаяқ алдын ала төлем талап етеді, "көлікті брондауға" уәде беріп, жоғалып кетеді.

Мұндай хабарландырулардың платформада ұзақ уақыт тұрмауы үшін Kolesa.kz сайтында екі сатылы модерация жүйесі жұмыс істейді: алдымен автоматты түрде тексеріледі, содан кейін қолмен тексеріледі. Бұл жоғары жылдамдықта орналастыруды сақтауға мүмкіндік береді, сонымен қатар күмәнді ұсыныстарды сүзгіден өткізеді.

Біз фильтрлерді күшейтіп, алгоритмдерді дамытуды жалғастырып жатырмыз, бұл стандартты емес жағдайларды, әсіресе нарықтық бағадан айтарлықтай ерекше бағалар жағдайларын дәлірек анықтау үшін жасалады. Біздің міндетіміз — алаяқтарға кезігудің қатерін хабарландыруға жетпей тұрып, барынша азайту.

Егер хабарландырудағы баға тым төмен болып көрінсе және көліктің арзандығына айқын себептер жоқ болса, Kolesa.kz сайтындағы орташа бағаны анықтау қызметін пайдалануды ұсынамыз. Ол нақты нарықтық параметрлер бойынша есептеледі: маркасы, моделі, жылы, қозғалтқыш түрі, жетегі, беріліс қорабы, кедендік статусы. Бағасы тым жоғары немесе төмен хабарландырулар есептен шығарылады — сіз тек объективті нарықтық көріністі көресіз.

3. "Шетелдік сатып алушы" алдын ала төлем ұсынады — сөйтіп деректерді ұрлайды

Былай қарағанда, күдікті ештеңе жоқ. Сізге сатып алушы Қытайда немесе Гонконгта жүрмін дегендей жазады: ол қазір шетелде екенін, Қазақстанда жылжымайтын мүлікке инвестиция салып жатқанын және уақытша көлік сатып алғысы келетінін түсіндіреді. Әдепті сөйлеседі, "акцентпен", тілдік кедергі жайында айтады — шынайы адамның әсерін тудырады.

Бірнеше хабарламадан кейін ол сөйлесуді басқа мессенджерде жалғастыруды сұрайды және сол жерде сізден платформадан хабарландыруды алып тастауыңызды сұрап, алдын ала төлем ұсынады. Осыдан кейін "ресми аударым сервисіне" сілтеме жібереді. Бірақ шын мәнінде бұл банк деректерін ұрлау үшін жасалған жалған сайт.

Пайдаланушы карта деректерін енгізген сәтте, алаяқ шотқа қол жеткізеді де, жоқ болып кетеді.

Өзіңізді қалай қорғауға болады: Kolesa.kz кеңестері

• Тек Kolesa.kz қолданбасында сөйлесіңіз. Қолданбаның мессенджерінде хат алмасу — ең қауіпсіз байланыс тәсілі. Бұл сізді қорғайды және қамқорлық қызметіне тез әрекет етуге мүмкіндік береді.
• Сенімсіз сілтемелермен өтпеңіз. Фишингтік сайттар Kolesa.kz дизайнын имитациялайды, бірақ адрестік жолда өздерінің кім екенін білдіріп қояды. Артық таңбалар, қателер немесе ауыстырылған әріптерді көрсеңіз, сақ болыңыз.

✔ https://kolesa.kz

✖ http://coleso.kz/

✖ https://kolezo.kz

• Жеке деректерді хабарламаңыз. CVV-кодты, SMS-кодтарды, құпиясөздер мен карта деректерін бейтаныс адамдарға ешқашан хабарламаңыз. Аударым жасау үшін алушының шоты немесе карта нөмірі жеткілікті.
• Kolesa.kz сайтындағы "Жаңалықтар" бөлімін қадағалаңыз. Онда біз алаяқтықтың жаңа схемалары туралы ақпаратты үнемі жаңартып отырамыз. Жаңа мақалаларды өткізіп алмаңыз — бұл бір қадам алда жүруге көмектеседі.
• Құжаттар мен автомобиль тарихын тексеріңіз. Мәміле алдында құжаттардың түпнұсқалығына және ауыртпалықтың жоқтығына көз жеткізіңіз. "Авто тарихы" белгісі бар хабарландыруларды іздеңіз — Kolesa.kz сайтындағы жаңа мүмкіндік. Ол нені көрсетеді:
• - ЖКО-ның бар-жоғын;
• - машинаның кепілде тұрған-тұрмағанын;
• - оның қанша иесі болғанын;
• - орналастырған сәттен бастап бағаның қалай өзгергенін.

Бұл бір нәрсені тексеру үшін кеш болатын жағдайларға тап болмай, салмақты шешім қабылдауға және жасырын қауіп-қатерден аулақ болуға көмектеседі.

• Ешқашан кепілдіксіз алдын ала төлем жасамаңыз. Ақшаны тек шартқа қол қойып, автомобильдің кілтін алғаннан кейін ғана беріңіз. Егер сатушы негізсіз алдын ала төлемді талап етсе, бұл алаяқтықтың белгісі.

Егер сіз алаяқтардың құрбаны болсаңыз, не істеу керек?

Полицияға жүгініп, жағдайды ресми түрде тіркеңіз. Құқық қорғау органдарының сұрауы бойынша біз барлық қажетті деректерді ұсынып, тергеуге көмектесеміз.

Автомобиль сатып алу стресс тудырмауы тиіс. Тексеріңіз, біліңіз, қосымша сұрақ қойыңыз – бұл 2 минут уақытыңызды алады, бірақ миллиондарыңызды үнемдейді.