Kolesa HR Meetup’25

2025 жылғы 30 қаңтарда Kolesa Group-та HR-мамандарға арналған митап өтті, ол 150-ден астам қатысушыны офлайн және онлайн жинады. Ивент жалдаудың, бейімделу мен дарынды тұлғаларды басқарудың жаңа тәсілдерін талқылау үшін рекрутерлер, HR-талдамашылар мен басшылардың басын қосты. Негізгі қорытынды — HR қосалқы функция болуды тоқтатып, негізгі бизнес құралына айналады.

Kolesa Group пен Aviata сарапшылары кадрлармен жұмыстың бизнеске қалай әсер ететінін талқылады, сондай-ақ өздерінің тиімділік метрикаларымен және қызметкерлерді оқыту мүмкіндіктерімен бөлісті.

Митаптың негізгі тезистері:

• Рекрутинг стратегиялық функцияға айналады
  Рекрутерлер енді вакансияларды жауып қана қоймай, олар бизнес- серіктестер ретінде жұмыс істейді, нарықты талдайды, стратегиялық кездесулерге қатысады және негізгі шешімдерге әсер етеді.
• HR аналитикасы бизнестің тиімділігін арттырады
  HR-метрикаларды пайдаланатын компаниялар кадрлар тұрақтамауын азайтады, жалдауды тездетеді және қызметкерлердің атсалысуын арттырады. Негізгі көрсеткіштер: eNPS, вакансияларды жабу жылдамдығы, бейімделудің сәттілігі.
• Кадрлардың жетіспеушілігін іздеу емес, оқыту шешеді
  Нарық жаңа шарттар қояды: үміткерлер жетіспейтін болса, оларды оқыту керек. Aviata ұсынған «Агенттер мектебі» сияқты кейстер мамандарды даярлауға инвестициялар тез әрі тұрақты нәтиже беретіндігін көрсетті.
• Корпоративтік мәдениет қызметкерлерді ұстап тұруға ықпал етеді
  Жалақы — жалғыз фактор емес. Даму, ашық мансаптық траекториялар және икемді жұмыс жағдайдары қызметкерлердің жаңа буындары үшін негізгі мотиваторларға айналды.

Азиза Юсупова, Janym Soul караоке желісінің HRD: «Митап HR — тек жалдау емес, стратегия екенін айқын түсіндірді. Әсіресе, HR-аналитикасы бойынша инсайттар пайдалы болды: қызметкерлердің атсалысуын қалай өлшеп, жұмыс ауыстыруын қалай азайтуға болады. Тревел-агенттерін оқытатын кейс ұнады, енді бұл тәсілді бізде қалай қолдануға болатынын ойлап жүрмін. Форматы күшті: бос нәрсе емес, тек нақты кейстер мен жұмыс істейтін құралдар.»

Қазақстанда HR-индустрия трансформациядан өтіп жатыр. Дарындыларды талдау, автоматтандыру мен стратегиялық басқаруды қазірдің өзінде енгізіп жатқан компаниялар болашақ еңбек нарығын қалыптастыруда артықшылыққа ие болады.