Avtoelon.uz: Өзбекстанда онлайн автобазарды қалай құруға болады

Avtoelon.uz адамдар үшін не маңызды екенін және қосымшаның оларға қалай көмектесе алатынын білу мақсатында автокөлік базарларында, автотұрақтарда, жанармай құю бекеттерінде, тіпті кептелістерде де зерттеу жүргізеді. Пайдаланушылардың платформамен бірге қалып, Avtoelon.uz  қосымшасын өзгелерге ұсынуы үшін компания қандай қадамдар жасағаны осы мақалада айтылады.

Басты бет және оффлайн мен онлайнның үйлесімі

Жыл сайын Avtoelon.uz платформасының басты беті біртіндеп жаңарып, жаңа дизайнмен, қосымша бөлімдермен және жаңа мүмкіндіктермен толықтырылып келеді. Өзбекстанда «Otang bozor — Onang bozor» деген нақыл бар, осыған байланысты Avtoelon.uz-да «Базардағы көліктер» бөлімі іске қосылды. Компания автокөлік базарларымен серіктестік орнатқан, өйткені компанияның негізгі мақсаты — адамдарға көлік сату мен сатып алуға көмектесу.

Бұл бөлімде Өзбекстандағы барлық дерлік автобазарлардың хабарландыруын көруге болады. Осы бөлімде хабарландырулары жарияланған сатушылар өз көліктеріне деген қызығушылықты арттырады. Ал пайдаланушыларға қажетті көлікті іздеу, бағаларын салыстыру және таңдау әлдеқайда ыңғайлы. Офлайн және онлайн мүмкіндіктерін ұштастыра отырып, компания пайдаланушылардың жолын жеңіл, ыңғайлы әрі жылдам етіп отыр.

Автоәуесқойларға арналған жеке «медиа» — «Жаңалықтар» бөлімін іске қосты

Жаңалықтар бөлімін әзірлеу барысында команда екі негізгі мақсатты көздеді:

1. Автоәуесқойларға пайдалы әрі сараптамалық ақпарат ұсынып, көлік таңдауға көмектесу және оларды жаңа модельдер мен жаңалықтардан хабардар ету.
2. Қосымшаны одан да қызықты етіп, пайдаланушылардың қайта оралғысы келуін қамтамасыз ету.

Avtoelon.uz тәжірибе арқылы пайдаланушылардың жаңалықтар бөліміне деген қызығушылығын зерттеді. Алдымен веб-парақша, бірнеше мақала және жеке хабарламалар арқылы тарату жасалды — қолданушыларға жаңа жаңалықтар бөлімі ұнады. Бүгінде контентпен арнайы команда айналысады, олар автонарықтағы жаңалықтарды іздеп, бірегей әрі пайдалы контент, соның ішінде бейне де дайындайды. 

Тиімді ұсыныстар іздейтіндерге пайдалы шешімдер

2024 жылы автокөлік нарығы айтарлықтай төмендеп, мәмілелер саны 21%-ға қысқарды. Қолжетімді бағамен көлік іздейтін адамдар саны арта бастады. Пайдаланушыларға таңдау жасауға көмектесу үшін Avtoelon.uz тиімді ұсыныстардың ыңғайлы топтамаларын дайындады.

Бұл қалай жұмыс істейді:

• пайдаланушы Avtoelon.uz-да ұнаған хабарландыруды «Таңдаулылар» бөліміне сақтайды. Жүйе автоматты түрде модель, баға және аймақ бойынша ұқсас нұсқаларды іріктеп, сол көліктердің топтамасын жеке хабарламаға жібереді;
• компания ең тиімді хабарландыруларды арнайы «Тамаша баға» белгісімен ерекшелеп, оларды қосымшаның басты бетінің жоғарғы жағында орналасқан жеке топтамаға жинайды;
• «Жаңалықтар» бөлімінде тиімді ұсыныстардың жаңа топтамалары тұрақты түрде жарияланып тұрады.

Осының арқасында сатушылар тегін назарға көбірек ие болады, ал сатып алушылар үшін тиімді таңдау әрдайым қолжетімді.

Data-driven тәсілі

Деректер мен аналитикамен жұмыс істеудің арқасында Avtoelon.uz компания шешімдерін зерттеуді екі есе жылдамдатты. Жаңа бөлім немесе функцияны іске қоспас бұрын, платформа оның дизайнын пайдаланушыларға көрсетеді — дизайнның қаншалықты түсінікті әрі ыңғайлы екенін және бұл шешімнің көлік сату немесе сатып алуға қаншалықты  көмектесетінін тексереді. Егер жаңа дизайн қолданушыларға ұнаса, жоба әрі қарай әзірлеуге жіберіледі.

Жаңа бағыт— автонарықтың бизнес-сегменті

Автокөлік саудасындағы төмендеу нарықтағы кәсіби ойыншылардың жұмысына да әсер етті. Алайда дәл осындай кезеңде автодилерлер үшін көзге көрініп, тұтынушылар оларды ұмытпауы үшін танымалдығын сақтап қалу маңызды.

Avtoelon.uz дилерлерге танымалдылықты арттыруға арналған қосымша мүмкіндіктер ұсына бастады:

• мақалалардағы шолулар мен YouTube және әлеуметтік желілердегі бейне-шолулар;
• клиенттерді тартуға арналған маркетингтік құралдарды ұсынады;
• хабарландырудың көрінуін арттыратын арнайы «Ресми дилер» мәртебесі.

Алдағы уақытта Avtoelon.uz коммерциялық көліктер, мотоциклдер және жаңа автокөліктер секілді басқа сегменттерге арналған мүмкіндіктерді де кеңейтуді жоспарлап отыр.